Rocher se lewe word deur heroien oorgeneem, 'n dwelm wat vir hom aanvanklik soos die beste ding sedert springmielies voel. Sy verslawing trek hom en sy familie al dieper in vrees, leuens, verlies en magteloosheid. Die verhaal, gebaseer op 'n ware jongman se stryd, wys die vernietigende uitwerking van dwelmafhanklikheid sonder om die mens agter die verslawing uit die oog te verloor. Wanneer Rocher uiteindelik hulp ontvang, word sy pad een van genesing, geloof en herstel. Dit is 'n verhaal van genade, oorwinning en die moontlikheid van bevryding.