Phillip is ’n skilder met een uitstalling agter die rug. Om den brode begin hy weer by ’n finansiële instelling in Bellville werk en neem oor naweke die trein stad toe om sy nuwe kunstenaarsvriende te besoek. Gaandeweg ervaar hy dat mense hom met agterdog bejeën, sy buurman ’n vendetta teen hom het en ’n vreemde reuk sy woonstel oorweldig. Die novelle volg Phillip se toenemende vervreemding en geleidelike aftakeling terwyl hy met skisofrenie worstel.