Anna noem haarself Stom Anna omdat sy as kind vir niemand kon vertel wat haar stiefpa aan haar doen nie - nie vir haar ma, haar pa of haar beste vriendin nie. Jare later verbreek sy die stilte en skryf oor die grooming, seksuele misbruik, vrees en verraad wat haar menswees aangetas het. Die verhaal, gebaseer op ware ervarings, word uit Anna se perspektief vertel en wys hoe die misbruik haar verhoudings en selfbeeld vorm. Dit volg ook haar stryd om gehoor te word, die waarheid te benoem en uiteindelik anderkant die geheim en skaamte uit te kom.