Superintendent Pine Pienaar ondersoek 'n reeks grusame teregstellings deur die vigilantegroep Hof onder die Kruis. Mense wat van ernstige misdade beskuldig word, word gehang met lyste van hul oortredings aan hul bors vasgespeld. Die groep werk met soveel presisie dat Pine vermoed iemand binne die polisie verskaf inligting. Saam met Jan Doep en sy span moet hy die laksmanne opspoor, al geniet hulle steun onder 'n publiek wat moedeloos is oor misdaad. Die ondersoek dwing Pine om kollegas te wantrou en sy eie begrip van geregtigheid te toets.