As sestienjarige vlug Engela na Bloemfontein omdat die leier van die satanistiese Groep 13 haar wil doodmaak. Pieter, 'n vriend van haar broer, lewer haar aan 'n bordeel-eienaar uit om skuld te betaal, en sy word as seksslaaf aangehou. Haar hoop op ontsnapping rus op Jacques, 'n jong student wat by die klub werk, maar hy verdwyn na 'n geheimsinnige ongeluk. Die roman is op Elanie Kruger se lewensverhaal gebaseer. In die tweede deel praat Elanie self oor trauma, vergifnis, geloof, emosionele genesing en praktiese hulp aan ander slagoffers.