Nooit weer laat sy 'n man naby haar toe nie. Nie nadat sy die weersin in Hamman se oë gesien het nie. Haar mastektomie het nie net 'n deel van Zabeth se vroulikheid gesteel nie, ook haar huwelik. En die pyn van Hamman se afgryse en verwerping toe hy haar liggaam sien, is in haar ingebrand.

Sy veg teen selfs 'n vriendskap met Terry Truter, die advokaat wat haar met soveel deernis behandel. Hy weet nie. Hoe vertel sy hom? Met haar stukkende selfbeeld durf sy nie haar oë toeknyp en goedgelowig aan Terry se opregtheid glo nie. Wat as hy haar liggaam sien? Hy bly net 'n man.